حلى الزبادي باوراق الكب كيك

المقادير :
الطبقه الاولى :
علبة بسكوت شاي مطحون
1/2 اصبع زبده
الطبقه الثانيه :
7 فناجين حليب بودره
فنجانين سكر
علبة زبادي
الطبقه الثالثه :
ظرف كريم كراميل
كوب حليب سائل
الطريقه :
- نضع اوراق الكب كيك في صينية الكب كيك
- نعجن مقادير البسكوت ونرصها بالاوراق
- نخلط مقادير الطبقه الثانيه ونصبها فوق البسكوت
وندخلها الفرن تقريبا 10 دقائق بس تمسك بدون تحمير من فوق
- نسوي الكريم كراميل عالنار وبس يغلي نصبه فوق الطبقه الثانيه وعالثلاجه
سهل ولذيذ وينفع بالزنقات

تشيز كيك البسبوسه بالشوكولاته

المقادير :
الطبقه الاولى :
علبة بسكوت مطحون
2 ملعقه قشطه
2 ملعقه سكر بني
1/2 اصبع زبده
الطبقه الثانيه :
كوب حليب سائل
ملعقه ونص نشاء
ملعقه ونص دقيق
ملعقه ونص سكر
1/2 كوب كريمة خفق اختياري
الطبقه الثالثه :
1/2 كوب سميد
1/2 كوب حليب بودره
1/2 علبة قشطه
1/4 كوب سكر
1/2 بيالة زيت
نستله
الطبقه الرابعه :
3 جالكسي
1/2 كوب كريمة خفق أو علبة قيمر
الطريقه :
- نعجن مقادير الطبقه الاولى ونرصها بصينية التشيز كيك والعجين حتكون رخوه يعني تلصق باليد
- نخلط مقادير الطبقه الثانيه عالنار ونحرك لحد مايثقل الخليط ونصبه فوق طبقة البسكوت وندخلها الثلاجه 5 دقائق
- نخلط مقادير الطبقه الثالثه مع بعض واذا كانت جامده زودي زيت والقوام راح يكون شبه سائل ونفردها بحذر فوق القشطه وندخلها الفرن من تحت لحد ماتنتفخ طبقة البسبوسه وتستوي ثم نحمرها من فوق وأول ماتطلع نسقيها بربع كوب نستله المركز
- نسوي طبقة الشوكلت عالنار نضع الكريمه او القشطه وبس تسخن بدون غليان نضيفلها الجالكسي المبشور ونصب الكاكاو فوق طبقة البسبوسه وعالثلاجه
صحتين يارب جربوها لاتقاوم ..

نخلط مقادير الطبقه الاولى ونفردها بالصينيه

 نخلط مقادير الطبقه الثانيه عالنار ونحرك لحد مايثقل الخليط

 نخلط مقادير الطبقه الثالثه مع بعض

 وهذا قوامها

 نفردها فوق طبقة القشطه

 ندخلها الفرن

 وبعد ماتطلع من الفرن نسقيها بالنستله

 نسوي طبقة الكاكاو

 ونصبها فوق طبقة البسبوسه

 وعالثلاجه

اكلت قطعه ورجعتها الثلاجه ..صحتين يارب

صوره من الداخل

البازلاء بالجزر والبطاطا ..

المقادير :
كيس بازلاء مجمد
ربع كيلو لحم بالعظم
4 حبات جزر
2 حبه بطاطا
بهارات ( فلفل اسود + كمون + ملح + كزبره ناشفه +قرفه )
عصير طماطم
1/2 علبة معجون طماطم
الطريقه :
- في قدر الضغط نشوح بصله عالنار مع شوية زيت ثم نضيف الللحم ونستنى لونها يتغير ثم نضيف الجزر المقطع مكعبات ثم البطاطا المقطعه مكعبات ثم البازلاء ثم عصير الطماطم وزودي ماء عشان تتسبك كويس ثم نضيف البهارات وصلصة الطماطم ونسكر القدر ونتركها تستوي على مهل وراح تاخذ تقريبا من نص ساعه الى ساعه الا ربع وتقدم مع الارز المفلفل وصحتين يارب..

 نشوح بصله عالنار مع الزيت

 نضيف اللحمه

 نضيف الجزر

 ثم البطاطا والبازلاء

 ثم عصير الطماطم والصلصه والبهارات

 نحرك ونسكر عليها ونتركها تستوي على مهل

 بعد نص ساعه نرجعلها وتكون بهذا الشكل

 ويقدم

 صحتين يارب لذيذ

قلقاس بالسلق..

المقادير:
راس قلقاس
ربع كيلو لحم بالعظم
حزمة سلق
حزمة شبنت
6-7 فصوص ثوم مفروم
2 حبه طماطم
بهارات ( فلفل اسود + كمون + ملح + كزبره ناشفه )
الطريقه :
- نقطع القلقاس مربعات كبيره ونغسله وننقعه بماء حار
- نسوي اللحمه ززنشوح بصله عالنار مع شوية زيت ثم نضيف اللحمه ونحرك الين يتغير اللون ثم نضيف الطماطم المقطعه ارباع ونحرك ثم نضيف الماء والبهارات ونسكر عليها ونتركها تستوي انا سويتها بقدر الضغط
- الحين نسوي التقلايه الخاصه بالقلقاس وذالك بتشويح الثوم عالنار لحد مايحمر ثم نضيفله الشبنت المفروم ثم السلق المفروم ونحركهم لحد مايذبل السلق ويتغير لونه شويه ونخليه على جنب
- بعد ماتخلص اللحمه نصفي المرقه ونضيفها للقلقاس ونتركهه يغلي 10 دقائق ثم نضيفله تقلاية السلق اللي سويناها ونتركها تستوي على مهل وماراح تاخذ وقت كثير تقريبا 10 دقائق او اذا تغير لون المرق وصار لونه اخضر
- وصحتين يارب ..جربوها انا ماكنت احبها وبعدين حبيتها وعلمتني اياها حماتي وهي تعتبر اكله مصريه وتقدم مع الارز المفلفل او بالخبز..

 نقطع البصل ونشوحه عالنار مع الزيت

 نضيف اللحم ونحرك لحد مايتغير اللون

 نضيف الطماطم ونحرك

 نضيف الماء والبهارات

 نقطع راس القلقاس مربعات كبيره

 ننقعه بماء حار

نصفي القلقاس ونصفي المرقه ونضيفهم سوا مع اللحم

 نتركه يغلي 10 دقائق

 نشوح ثوم واذا احمر نضيفله الشبنت المفروم

 نحرك لحد مايذبل

  نضيف السلق المفروم

 نحرك لحد مايتغير اللون ويذبل

 نضيفه للقلقاس

 نخليه يغلي سوا مع بعض

 نطفي النار

ونستمتع باحلى طعم

 

مقلوبة الزهره ..

المقادير :
راس زهره  حجم وسط مقطع ومسلوق
دجاجه مقطعه ارباع
2 كوب ارز مصري
3 حبات بطاطا
2 حبه باذنجان لزيادة الطعم
3 بصلات مقطعه شرائح
علبة حمص حب اختياري
4 فصوص ثوم مفروم
بهارات ( فلفل اسود + كمون + ملح + قرفه + كزبره ناشفه + بهار حلو + كركم + مكعب ماجي )
حبتين طماطم
الطريقه :
- نشوح بصله عالنار لحد ماتذبل ثم نضيف الدجاج ونحرك لحد مايتغير لونها ثم نضيف البهارات ونالماء ونتركها تستوي عنار هاديه
- نقطع الزهره ونسلقها 10 دقائق
- نقطع البطاطا دوائر ونقليها
- نقطع الباذنجان ونقليه
- نقطع البصل شرائح ونقليه لحد مايصير لونه اشقر ثم نضيفها للارز المغسول
- نفرم الثوم ونضيفه للارز
- نفتح علبة الحمص الحب ونضيفها للارز
- الحين نطبق الاكله .. نقطع الطماطم دوائر ونضعها في قعر القدر تحت ثم نصف الدجاج ثم الباذنجان ثم الزهره ثم البطاطا او العكس ثم الارز المخلوط معاه البصل والثوم والحمص ثم اخر حاجه نضيف المرقه ولازم ارتفاع المرقه تقريبا 1 سم فوق الارز
- نغلي الطبخه غلوتين ثم نهدا النار ونتركها تستوي او لحد ماينشف الماء
- بعد ماتستوي نقلبها في صحن التقديم وصحتين ززتقدم مع الزبادي والسلطه
- اعشقها وانصحكم فيها

 نشوح بصل مع شوية زيت ثم نضيف الدجاج

 بعد مايتغير لون الدجاج نضيف البهارات

 ثم الماء

 ثم نخليها تغلي ونتركها تستوي على مهل

نغسل الزهره ونقطعها

 ونسلقها 10 دقائق

 نقطع البطاطا دوائر ونقليها

 نقطع البصل شرائح ونقليه

 نستمر بالتحريك لحد مايتغير لونه ويصير بني اشقر

 نضيف البصل والثوم للارز

 الحين نطبق الاكله فوق بعض نقطع الطماطم دوائر ونحطها تحت

 ثم  الدجاج

 ثم الباذنجان

 ثم البطاطا

 ثم الزهره

ثم الارز

 ثم مرقة الدجاج

 نغليها غلوتين ثم نهدا النار ونترك المرقه تنشف

 نقلبها بصحن وهذا شكلها

 شكلها من جوه وصحتين لذيذه لذيذه انصحكم جربوها